Քաղաքագետ Սուրեն Զոլյանի կարծիքով՝ Նիկոլ Փաշինյանը անկլավ-էքսկլավների հարցը կապում է ՀՀ սուվերեն տարածքների հետ, որպեսզի արդարանա, եթե չվերադարձնենք, օկուպացված տարածքները հետ պահանջել չենք կարող։ Զոլյանը նշում է, որ Փաշինյանը, ըստ էության, խոստովանում է, որ տալու է Տիգրանաշենն ու տավուշյան 3 գյուղերը, ինչը նախկինում նա բացահայտ չէր ասում։
«Ինքը խառնաշփոթ է ստեղծում, Ջերմուկի ու Արծվաշենի տարածքները բոլորովին տարբեր են։ Նա մի հարթության մեջ է դնում, որ հիմնավորի իր հանձնումը։ Ավելին, անգամ ուղղությունը նշեց, թե ինչպես պիտի զարգանա, այսինքն՝ եթե Արծվաշենին, Ջերմուկին, Սեւ լճին անդրադառնա, դա կլինի վերջում, սկզբում Իջեւանով կհասնի Տիգրանաշեն, հետո նոր կքննարկեն՝ ինչ անել։ Սա նշանակում է, որ հարցն արդեն մանրակրկիտ քննարկվել է»,- ասում է Զոլյանը։
Նա ընդգծում է, որ Տավուշի հատվածում 3 անկլավի հանձնումը աղետալի հետեւանքների կարող է հանգեցնել։ «Երեք գյուղ, որոնք հենց մարզի կենտրոնում են, եւ շատ խնդրահարույց է լինելու»,- հավելում է նա։
«Եթե չտանք այդ անկլավները, պատերազմ կլինի, կկորցնենք մեր սուվերեն տարածքները»,- եզրափակում է Զոլյանը։
Աղբյուր՝ www.aravot.am
