Հունիսի կեսերից SpaceX և Tesla ընկերությունների շուկայական կապիտալիզացիան ընդհանուր առմամբ նվազել է 1.5 տրլն դոլարով: Նվազումը տեղի է ունեցել SpaceX-ի բաժնետոմսերի գների՝ առավելագույն ցուցանիշների համեմատ գրեթե 50%-ով անկման և նախորդ շաբաթ ֆինանսական արդյունքների հրապարակումից հետո Tesla-ի արժեթղթերի 18%-ով էժանացման ֆոնին:
Հաջորդ շաբաթ սպասվում է SpaceX-ի ֆինանսական հաշվետվության հրապարակումը, ինչպես նաև ինսայդերների համար բաժնետոմսերի վաճառքի սահմանափակման ժամկետի ավարտը, ինչը կարող է շուկայում հետագա տատանումների պատճառ դառնալ: Օպցիոնների գները վկայում են SpaceX-ի բաժնետոմսերի արժեքի հնարավոր 15%-անոց փոփոխության մասին, մինչդեռ ենթադրյալ տատանողականությունը հասել է 122-ի:
Չնայած կապիտալիզացիայի անկմանը, շուկայի մասնակիցները շարունակում են լավատեսություն պահպանել՝ ձեռք բերելով գրեթե 100 հազար քոլ-օպցիոն՝ 46 հազար փութ-օպցիոնի դիմաց: Միևնույն ժամանակ, խոշոր ներդրողներն ավելի զգուշավոր են գործում՝ նախապատվությունը տալով նոյեմբերին կատարման ժամկետով պակաս ագրեսիվ պայմանագրերին, որոնց համար վճարվել է 8.7 մլն դոլարի օպցիոնային պրեմիա:
Աղբյուր՝ b24.am
