«Ռոսսելխոզնադզոր»-ն արգելում է Հայաստանից կաթնամթերքի ներկրումը, քանի որ օգտագործվել է վարակված նախրից ստացված կաթ:
Հուլիսի 14-ից 21-ը «Ռոսսելխոզնադզոր»-ի մասնագետներն ստուգումներ են իրականացրել հայկական կաթնամթերք վերամշակող ձեռնարկություններում, որոնք նախկինում թույլտվություն էին ստացել իրենց արտադրանքը Ռուսաստան մատակարարելու:
Ստուգումների արդյունքները հաստատել են նախկինում արձանագրված խախտումների կրկնությունը, ինչպիսիք են հետագծելիության համակարգերի վարման, անասնաբուժական ուղեկցող փաստաթղթերի տրամադրման և ռիսկերի կառավարման համակարգերի գործարկման խնդիրները:
«Ընթացիկ ստուգումը բացահայտել է, որ Ռուսաստան մատակարարվող արտադրանքի պատրաստման ժամանակ օգտագործվել է վարակված նախրից ստացված կաթ:
Հաստատվել են դեպքեր, երբ ռուսական շուկայի համար նախատեսված արտադրանքի մեջ օգտագործվել են երրորդ երկրներից ստացված հումքեր:
Հայաստանում դեռևս չի ստեղծվել այնպիսի համակարգ, որը հնարավորություն կտա ստուգել արտադրության մեջ օգտագործվող կաթի կամ կաթնային այլ հումքի ծագումն ու անվտանգությունը:
Հայտնաբերված խախտումների հիման վրա «Ռոսսելխոզնադզոր»-ը միջոցներ է ձեռնարկել՝ կանխելու վտանգավոր հիվանդությունների ներթափանցումը Ռուսաստան:
Աղբյուր՝ panorama.am
