ԵՐԵՎԱՆ, 3 հուլիսի. /ԱՌԿԱ/ Մեմորանդում՝ ռազմավարական համագործակցության մասին, ստորագրված «Ռենշին» և «ԳՏԲ Դեվելոպմենթ» ընկերությունների միջև, սահմանում է նոր չափանիշներ Հայաստանի քաղաքաշինական և ներդրումային միջավայրում:
Համաձայն պայմանագրի, «Ռենշին»-ը ձեռք է բերում բաժնեմաս Կասկադ համալիրի նախագծում՝ Երևանի գլխավոր մշակութային և քաղաքաշինական հանգույցում: Ընկերությունը, որը շուկայում առաջատար է, միանում է այս ռազմավարական գործընկերությանը գրեթե 25 տարվա ինստիտուցիոնալ փորձով և հաջողակ պրեմիում դասի շինարարության պորտֆելով՝ մոտ 1 միլիոն քառ. մետր տարածքով:
«Ռենշին»-ի ֆինանսական կայունության և հուսալիության ապացույցներն են արդեն իրականացված մեգա նախագծերը, ինչպիսիք են Artlife Kempinski Residences Yerevan-ը, Համաշխարհային առևտրի կենտրոնը (WTCY), Հայաստանի առաջին երկնաքերերի Skyline թաղամասը և վերջերս մեկնարկած «Թումանյան 8» նախագիծը:
Ֆինանսական կայունությունն ու մեծ ծրագրերի կառավարման փորձը եղել են այս գործարքի հիմնական շարժիչ ուժերը: «ԳՏԲ Դեվելոպմենթ»-ի տնօրեն Գոր Միկայելյանը, մեկնաբանելով գործընկերության հեռանկարները, ընդգծել է, որ «այս նախագծում մեր հիմնական ուղղությունը Երևանի շահերն են և Կասկադի լիարժեք հաջողությունը»: Նա նշել է, որ «Ռենշին»-ի ֆինանսական կայունությունը, բարձր հեղինակությունը և մեգա նախագծերի կառավարման բացառիկ փորձը երաշխավորում են, որ մեր քաղաքացիները վերջապես կստանան այն Կասկադը, որի սպասումն ունեցել են երկար տարիներ»:
Այս միավորումը երաշխավորում է, որ մայրաքաղաքի այցեքարտը կիրականացվի խիստ միջազգային ֆինանսական և որակի ստանդարտների համաձայն: «Ռենշին»-ի ռազմավարական զարգացման տնօրեն Անի Մավյանը ընդգծել է պրոֆեսիոնալ վերաիմաստավորման առաջնահերթությունը՝ նշելով, որ «Կասկադը մեզ համար շատ ավելին է, քան պարզապես քաղաքաշինական ծրագիր: Դա Երևանի իրական սիրտն ու հոգին է»:
Այս մեմորանդումի ստորագրմամբ նրանք ստանձնում են պատասխանատվություն մայրաքաղաքի կարևորագույն այցեքարտին նոր շունչ հաղորդելու, ապահովելով անզիջում որակ և լավագույն միջազգային ստանդարտներ:
Հաստատված մեմորանդումը սկսում է ավելի դինամիկ զարգացման փուլ Կասկադի նախագծի համար: Ապագայում կներկայացվեն նախագծի կառավարման, ճարտարապետական լուծումների և միջազգային ու տեղական գործընկերների մանրամասները:
Աղբյուր՝ armbanks.am
