ՀՀ արտաքին գործերի նախարարությունը հաղորդում է, որ Հայաստանի արտահանման ներուժի զարգացման հնարավորություններն ու հայկական արտադրանքի համար նոր շուկաների հասանելիության ընդլայնման հեռանկարները քննարկվել են տնտեսական զարգացման առաջնահերթություններին նվիրված հանդիպման ընթացքում:
Բանախոսությամբ հանդես է եկել «Modex» խորհրդատվական ընկերության տնօրեն Հայկազ Ֆանյանը, ով անդրադարձել է Հայաստանի արտահանման ներկայիս կառուցվածքին, արտահանման ներուժի զարգացման հնարավորություններին, ինչպես նաև նոր շուկաների հասանելիության ընդլայնման հեռանկարներին:
Քննարկման ընթացքում շեշտվել են արտահանման խթանմանն ուղղված հիմնական մոտեցումները, ինչպես նաև Հայաստանի դիվանագիտական ներկայացուցչությունների հնարավոր քայլերը:
Քննարկումները շարունակվել են համաշխարհային բանկի ներկայացուցիչների հետ տեսակապի ձևաչափով:
Անդրադարձ է կատարվել «Խաղաղության խաչմերուկ» նախագծի իրականացման շնորհիվ բացվող տնտեսական հնարավորություններին, տարածաշրջանային փոխկապակցվածության զարգացման հեռանկարներին և տրանսպորտային կապերի ընդլայնման ներուժին:
Աղբյուր՝ www.1in.am
