IDBank-ն հայտարարում է իր 35-ամյակի տոնակատարության մեկնարկի մասին։ Առաջին անգամ Արամ Խաչատուրյանի անվան համերգասրահի պատմության մեջ, Հայաստանի ազգային ֆիլհարմոնիկ նվագախումբը կկատարի բացօթյա համերգ՝ Khachaturian Rooftop-ում։ «Մենք որոշեցինք միանալ այս նախաձեռնությանը, ոչ միայն այն պատճառով, որ մեկ այլ գեղեցիկ անկյուն Երևանում հասանելի կլինի մեր հանրությանը, այլ նաև այն պատճառով, որ սա մեզ համար շատ խորհրդանշական իրադարձություն է։ IDBank-ն այս միջոցառմամբ հայտարարում է իր 35-ամյակի տոնակատարության մեկնարկը»,- նշել են բանկի ներկայացուցիչները։ Այս յուրահատուկ երաժշտական երեկոն կդառնա IDBank-ի 35-ամյա ճանապարհի ամենահիշարժան իրադարձություններից մեկը, ինչպես նաև հատուկ երաժշտական նվեր մեր վարդագույն քաղաքին և բոլոր նրանց, ովքեր ստեղծում են նրա ռիթմը։
Աղբյուր՝ arminfo.info
