ՀՀ տարածքից ջերմատնային արտադրության առանձին ապրանքների աջակցության միջոցառման ժամկետը երկարացվել է լրացուցիչ մեկ ամսով՝ մինչև 2026թ․ սեպտեմբերի 1-ը, ինչպես նաև օգոստոս ամսվա համար այն լրացվում է նոր անվանացանկով:
Հուլիս ամսվա ընթացքում արտահանում իրականացնող տնտեսավարողներին տրամադրվում էր փոխհատուցում հետևյալ անվանացանկով և սահմանաչափով՝
- ելակի յուրաքանչյուր 1 կիլոգրամի համար 770 ՀՀ դրամ,
- լոլիկի յուրաքանչյուր 1 կիլոգրամի համար 275 ՀՀ դրամ,
- չերի տեսակի լոլիկի 1 կիլոգրամի համար 400 ՀՀ դրամ,
- պղպեղի յուրաքանչյուր 1 կիլոգրամի համար 400 ՀՀ դրամ,
- ծաղիկի յուրաքանչյուր 1 հատի համար 37 ՀՀ դրամ,
- Եվրոպական Միության անդամ երկրներ, Մեծ Բրիտանիա, Հյուսիսային Իռլանդիա և Շվեյցարիա արտահանվող ծաղկի 1 հատի համար 50 ՀՀ դրամ:
Օգոստոս ամսվա համար այն լրացվում է հետևյալ ապրանքներով՝
- պալերմո տեսակի պղպեղի յուրաքանչյուր 1 կիլոգրամի համար 500 ՀՀ դրամ,
- սմբուկի յուրաքանչյուր 1 կիլոգրամի համար 200 ՀՀ դրամ:
Աղբյուր՝ www.1in.am
