Հայաստանի քաղաքացիները կարող են ստանալ էլեկտրոնային վիզա (eVisa) Թայվան, տեղեկացնում է Թայվանի հյուպատոսական ծառայությունը: Այս հնարավորությունը տրամադրվում է շուրջ 20 երկրների քաղաքացիների համար:
Հայաստանի քաղաքացիները կարող են դիմել eVisa-ի համար միայն այն դեպքում, եթե ունեն գործող Շենգեն վիզա կամ ԱՄՆ վիզա, որը գործում է ավելի քան 180 օր:
eVisa-ն նախատեսված է զբոսաշրջային, գործնական այցերի, հարազատների այցելության, ինչպես նաև միջազգային կոնֆերանսների և սպորտային միջոցառումների համար:
eVisa-ն գործում է երեք ամիս, թույլատրում է 30 օր մնալ Թայվանում և չի կարող երկարացվել:
Դիմելու համար անհրաժեշտ է ունենալ վավեր անձնագիր, լրացնել առցանց դիմում և վճարել հյուպատոսական վճարը:
Աղբյուր՝ arminfo.info
