«Պրեսսինգ» հաղորդաշարում Սաթիկ Սեյրանյանի հյուրը ՀՀ գյուղատնտեսության նախկին փոխնախարար, գյուղատնտես Աշոտ Հարությունյանն է:
Հարցազրույցի հիմնական թեզերը՝ ստորև.
- Աստված մի՛ արասցե, որ Հայաստանը Ռուսաստանի հետ մտնի պատերազմի մեջ: Ռուսաստանն ամբողջությամբ չի մտել հակասությունների դաշտ, դեռևս «փափուկ ուժ» է կիրառում, այլապես հետևանքներն ավելի ծանր կլինեն: Տնտեսության շարժիչ ուժը՝ հացից մինչև ծաղիկ, գյուղատնտեսությունն է: Պարենային ապահովության, անվտանգության խնդիրները նույնպես լուծում է գյուղատնտեսությունը:
- Ռուսաստանում տարբեր ինստիտուտներ կան, որոնք վերլուծում են՝ ինչ քիմիկատներ, պարարտանյութեր են մտնում Հայաստան, ինչպիսի տեսչական վերահսկողություն կա, ինչ քաղաքականություն է վարվում: Այսօր ինչ չստուգված քիմիկատ ասես՝ մտնում է Հայաստան: Չկա վերահսկողություն:
- Սննդամթերքի անվտանգության տեսանկյունից մենք երկրում լուրջ խնդիրներ ունենք: Բազմաթիվ հրապարակումներ կան այն մասին, որ գյուղատնտեսության մեջ օգտագործվող որոշ դեղամիջոցներ չեն համապատասխանում որակին:
- Անգամ պետության կողմից սուբսիդավորվող ծախսերի թվային ցուցանիշների վերլուծությունը հաշվի առնելով՝ մենք տեսնում ենք, որ հայկական գյուղմթերքի արտահանումը եվրոպական շուկա հրապուրիչ և ձեռնտու չէ:
- Մեր գյուղերում հետհաշվարկը սկսված է: Գյուղերում մարդիկ նոկդաունի վիճակում են…
- Օրերս իմացա՝ 700 տոննա պղպեղ են արտահանել ինչ-որ երկիր, կիլոգրամն էլ բավականին լավ գնով սուբսիդավորել են:
Ժողովուրդ, ճշմարտությունը դառն է… Դանակը ոսկորին մի՛ հասցրեք:
Մեր ամենահզոր ուժերից մեկը Սփյուռքն է, պիտի համախմբվենք, այլապես երկար չենք կարող միայնակ դիմադրել:
Երկիրը նստեցրել են ասեղի վրա, մազից կախված ենք…
Աղբյուր՝ 168.am
