ԵՐԵՎԱՆ, 30 հուլիսի. /ԱՌԿԱ/. ԱՄՆ-ի Դաշնային պահուստային համակարգը հուլիսի 28-29-ի նիստի արդյունքներով պահպանեց ֆեդերալ ֆոնդերի տոկոսադրույքի թիրախային միջակայքը 3.5–3.75% տարեկան, հաղորդում է ՌԲԿ՝ հղում անելով ամերիկյան կարգավորող մարմնի հայտարարությանը:
Այսպիսով, տոկոսադրույքը մնում է անփոփոխ արդեն 5-րդ նիստի ընթացքում:
ՖՐՍ-ն նշել է, որ ԱՄՆ-ում տնտեսական ակտիվությունը շարունակում է աճել վստահելի տեմպերով, չնայած պահպանվող բարձր անկայունությանը: Աշխատանքի արտադրողականությունն ու ներդրումները ցուցադրում են բարձր աճ, զբաղվածությունը աճում է աշխատուժի թվի հետ միասին, իսկ գործազրկության մակարդակը զգալիորեն չի փոխվել:
Միաժամանակ, ինֆլյացիան մնում է բարձր՝ գերազանցելով ՖՐՍ-ի 2% նպատակային ցուցանիշը: Կարգավորող մարմինը դա կապում է մասնավորապես առաջարկի շոկերի հետ, որոնք ազդել են որոշ ոլորտների գների վրա, այդ թվում՝ էներգետիկայի:
Նիստի ընթացքում երեք մասնակիցներ դեմ են եղել տոկոսադրույքի պահպանմանը՝ համարելով, որ նպատակահարմար է այն բարձրացնել 0.25 տոկոսային կետով:
Սա Ֆեդերալ բաց շուկայի հանձնաժողովի երկրորդ նիստն է, որը վարում է Քևին Ուորշը, ով գլխավորել է ՖՐՍ-ը 2026 թվականի մայիսից:
Նախորդ նիստերում՝ հունվար, մարտ, ապրիլ և հունիս, կարգավորող մարմինը նույնպես պահպանել է տոկոսադրույքը 3.5–3.75% տարեկան մակարդակում: ՖՐՍ-ի հաջորդ նիստը նախատեսված է սեպտեմբերի 15-16-ին:
Աղբյուր՝ armbanks.am
