ԵՄ-ն և Ուկրաինան համատեղ ԱԹՍ-ներ կարտադրեն

Եվրոպական Միությունը և Ուկրաինան ստորագրել են համաձայնագիր անօդաչու թռչող սարքերի համատեղ արտադրության ընդլայնման վերաբերյալ։ Այս նախաձեռնությունը նպատակ ունի միավորել ԵՄ արդյունաբերական հզորությունները և ուկրաինական ռազմական տեխնոլոգիական փորձը։

Արդյունաբերության կարևոր նորամուծությունն այն է, որ ԱԹՍ-ների արտադրությունն ու ժամանակավոր պահեստավորումը կիրականացվեն ԵՄ տարածքում՝ ռուսական հարվածներից դրանք պաշտպանելու համար։ Այնուհետև տեխնիկան կփոխանցվի Ուկրաինային կամ արևելյան թևի անդամ երկրներին։

Ծրագիրը ֆինանսավորվելու է ԵՄ աջակցության ծրագրերից, իսկ ապագայում կողմերը նախատեսում են համագործակցությունը տարածել նաև բալիստիկ և հակահրթիռային համակարգերի արտադրության վրա։

Աղբյուր՝ www.1in.am