Եվրոպական միությունը (ԵՄ) հաստատում է Հայաստանի համար հիբրիդային սպառնալիքների դեմ պայքարի առաքելություն: Այս մասին հայտարարել է ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալլասը՝ ԵՄ երկրների արտաքին գործերի նախարարների հանդիպման ժամանակ:
«Նախարարները համաձայնեցնելու են նոր առաքելության ստեղծումը, որը կաշխատի Հայաստանի հետ՝ հիբրիդային սպառնալիքների դեմ պայքարում», - ասել է Կալլասը:
ԵՄ պաշտոնյաները հիբրիդային սպառնալիքներով նկատի ունեն ռուսական ազդեցության դեմ պայքարը: 2026 թվականի հունիսի 10-ին հայտնի դարձավ, որ Եվրոպական խորհրդի կողմից նշանակվել է Կոսմին Ջորջա Դինեսկու՝ Հայաստանի գործընկերության Եվրոպական միության առաքելության (EUPM Armenia) ղեկավար:
Այս առաքելությունը ստեղծվել է Հայաստանի իշխանությունների խնդրանքով 2026 թվականի ապրիլի 26-ին, և այն նախատեսված է երկու տարի:
EUPM Armenia-ն կաջակցի Հայաստանին՝ բազմաշերտ սպառնալիքների, այդ թվում՝ կիբեր հարձակումների, տեղեկատվության օտար մանիպուլյացիայի և ֆինանսական հոսքերի դեմ պայքարում:
Աղբյուր՝ arminfo.info
