Հուլիսի 13-16-ը Դիլիջանի ուսումնահետազոտական կենտրոնում տեղի ունեցավ «ADEL տվյալների փոխանակման շերտ․ ընթացիկ կարգավիճակ և հետագա քայլեր» թեմայով աշխատաժողով, որի նպատակն էր ներկայացնել Հայաստանի պետական տեղեկատվական համակարգերի տվյալների փոխանակման և թվային փոխգործելիության միջավայրի զարգացման ընթացիկ արդյունքները:
ADEL (Armenian Data Exchange Layer) հարթակը ապահովում է պետական տեղեկատվական համակարգերի միջև տվյալների անվտանգ, ստանդարտացված և փոխգործունակ փոխանակումը, հիմնված է X-Road տեխնոլոգիայի վրա:
Աշխատաժողովին մասնակցել են պետական կառավարման համակարգի, տեղեկատվական տեխնոլոգիաների և թվային փոխակերպման ոլորտի ներկայացուցիչներ:
Աղբյուր՝ www.1in.am
