«Առանց արդարության խաղաղություն չկա․ ԵՄ-ն պետք է օգտագործի իր քաղաքական ազդեցությունը»․ Սիրանուշ Սահակյան
Բրյուսելում, Եվրոպական խորհրդարանում տեղի ունեցած քննարկման ընթացքում, ՄԻԵԴ-ում հայ գերիների շահերի պաշտպան Սիրանուշ Սահակյանը նշել է, որ Ադրբեջանը չի ապահովում վստահորդների հետ գաղտնի հանդիպումների իրավունքը, ինչը միջազգային պարտավորություն է: Նա ընդգծել է, որ Ադրբեջանում պահվում են 20 հայ պատանդներ, որոնցից 8-ը Արցախի ռազմաքաղաքական ղեկավարության ներկայացուցիչներն են:
«Նրանք պարզապես կալանավորված անձինք չեն, այլ օգտագործվում են որպես գործիք՝ Հայաստանի հետ հարաբերություններում»,- ասել է Սահակյանը:
Նա նաև նշել է, որ ԵՄ-ն պետք է պահանջի հայ ռազմագերիների անհապաղ ազատ արձակումը, քանի որ առանց արդարության հաստատման խաղաղություն լինել չի կարող:
Աղբյուր՝ www.aravot.am
