ԱՄՆ-ը ազգային անվտանգության նկատառումներով արգելել է Չինաստանում արտադրված հումանոիդ ռոբոտների օգտագործումը, որոնք գնահատվում են որպես ազգային անվտանգության համար «անընդունելի ռիսկ»։ Արգելքը վերաբերում է ոչ միայն հումանոիդ ռոբոտներին, այլև օտարերկրյա առաջադեմ ռոբոտատեխնիկական համակարգերին, այդ թվում՝ կենդանիների նմանակող ռոբոտներին:
ԱՄՆ իշխանությունների գնահատմամբ, նման սարքերը կարող են հավաքել մեծ ծավալի տվյալներ, որոնք կարող են օգտագործվել քաղաքացիների նկատմամբ վերահսկողության, օտարերկրյա հատուկ ծառայությունների հնարավորությունների ընդլայնման կամ հեռավար կառավարվող չարամիտ գործողությունների համար:
Աղբյուր՝ www.aravot.am
