ԱՄՆ-ն 200 միլիոն դոլարի մարդասիրական օգնություն կհատկացնի Կարմիր խաչի միջազգային կոմիտեին (ICRC) և Կարմիր խաչի ու Կարմիր մահիկի ընկերությունների միջազգային ֆեդերացիային (IFRC)՝ աղետների արձագանքման և մարդասիրական օգնության տրամադրման նպատակով։
Հայտարարության մեջ նշվում է, որ հատկացվող ֆինանսավորման մոտ 133 միլիոն դոլարը կուղղվի ICRC-ի 2026 թվականի գլոբալ ծրագրին, իսկ 70 միլիոն դոլարը՝ IFRC-ին։ ԱՄՆ Պետդեպարտամենտը ընդգծել է, որ այս ֆինանսավորումը համապատասխանում է ԱՄՆ-ի նոր մոտեցմանը, որի նպատակն է ապահովել ավելի ճկուն և արագ արձագանքում միջազգային ճգնաժամերին։
IFRC-ն, որը միավորում է աշխարհի տարբեր երկրներում գործող Կարմիր խաչի և Կարմիր մահիկի ազգային ընկերությունները, հաճախ առաջիններից է օգնություն ցուցաբերում աղետների և արտակարգ իրավիճակների դեպքում։ ԱՄՆ-ի ֆինանսավորումը կօգնի արագ ընդլայնել այդ կազմակերպությունների արձագանքման հնարավորությունները։
ICRC-ին տրամադրվող աջակցությունը նախատեսված է զինված հակամարտություններից տուժած բնակչությանը կենսական օգնություն տրամադրելու համար։
Աղբյուր՝ www.1in.am
