Viva-ն շարունակում է Հայաստանում իր 5G+ ցանցի ընդլայնումը և նոր սերնդի կապը հասանելի է դարձրել երկրի հարավում։ Ընկերության տվյալներով՝ ծառայությունն արդեն գործում է Գորիսում, Կապանում, Քաջարանում, Սիսիանում, ինչպես նաև Ջերմուկում, Վայքում և Եղեգնաձորում։
Սյունիքի և Վայոց ձորի այս ընդլայնումից հետո Viva-ն նշում է, որ Հայաստանի միակ 5G+ ցանցն այսօր հասանելի է Երևանի և 8 մարզի 32 քաղաքի շրջանակում՝ ընդգրկելով Հայաստանի բնակելի տարածքների շուրջ 80 տոկոսը։ Ընկերությունը շեշտում է, որ հարավային քաղաքները կարևոր դեր ունեն երկրի տնտեսական, զբոսաշրջային, արդյունաբերական և տրանսպորտային համակարգերում։
Ցանցի ընդլայնման աշխատանքներին տեղում ծանոթանալու համար Viva-ի գլխավոր տնօրեն Արմեն Ավետիսյանն այցելել է Գորիս և եղել բազային կայաններում, որտեղ ավարտական փուլում է եղել 5G+ տեխնոլոգիայի ներդրումը։ Արագության չափումների արդյունքներով՝ տվյալների ներբեռնման արագությունը կազմել է 522 Մբիթ/վ, իսկ վերբեռնմանը՝ 91,24 Մբիթ/վ։
Արմեն Ավետիսյանի խոսքով՝ ընկերությունը շարունակում է ներդրումներ կատարել, որպեսզի օգտվողներն ավելի հարմարավետ աշխատեն, սովորեն, զարգացնեն բիզնեսը և մշտապես կապի մեջ լինեն։ Նա նշել է, որ կապի որակը պետք է հաստատվի առօրյա օգտագործմամբ, և օգտվողներին կոչ է արել սեփական փորձով գնահատել Viva-ի ծառայությունները։
Ընկերությունը հիշեցնում է, որ 5G+ տեխնոլոգիան նախատեսված է տվյալների ավելի արագ փոխանցման, լայնածավալ IoT համակարգերի, ամպային ծառայությունների, իրական ժամանակի մշակման, ինչպես նաև արդյունաբերական ավտոմատացման և հեռավար մոնիթորինգի համար։ Viva-ն նաև նշում է, որ այս ուղղությամբ հիմք է դարձել իր կողմից ռադիոհաճախականային սպեկտրի ձեռքբերման ամենամեծ ներդրումը Հայաստանի պատմության մեջ, ինչի արդյունքում ընկերությունն այժմ ունի կրկնակի ավելի հաճախականային ռեսուրսներ։
Հիշեցնենք, որ 2026 թվականի հուլիսին Viva-ն առաջինը Հայաստանում գործարկեց 5G+ ցանցը՝ այն հասանելի դարձնելով Երևանում, ինչպես նաև Շիրակի, Լոռու, Տավուշի, Գեղարքունիքի, Կոտայքի և Արագածոտնի մարզերի քաղաքներում։ Նույն ամսին ընկերությունը նաև ստացել էր Speedtest մրցանակը՝ որպես Հայաստանում 2026 թվականի առաջին կիսամյակում ամենաարագ բջջային ցանց ունեցող ընկերություն։
Աղբյուր՝ b24.am
