Ucom-ի՝ Էրեբունի 20/52 հասցեում գործող վաճառքի և սպասարկման կենտրոնը վերաբացվել է նորացված ձևաչափով։ Ընկերության հաղորդմամբ՝ տարածքն ամբողջությամբ վերանորոգվել է, որպեսզի բաժանորդներին սպասարկեն ավելի արագ, արդյունավետ և հարմարավետ պայմաններում։
Կենտրոնում ներկայացված են Ucom-ի ծառայությունների և տեխնոլոգիական լուծումների ամբողջական փաթեթը՝ բջջային և ֆիքսված կապ, հեռուստատեսային ծառայություններ, Wi-Fi լուծումներ, սմարթֆոններ և այլ խելացի սարքեր։ Այցելուները կարող են տեղում ստանալ խորհրդատվություն, ընտրել իրենց կարիքներին համապատասխան ծառայությունները և ծանոթանալ ընկերության ընթացիկ առաջարկներին։
Ucom-ի գլխավոր տնօրեն Ralph Yirikian-ի խոսքով՝ սպասարկման կենտրոնները ընկերության և բաժանորդների ամենօրյա շփման կարևոր կետերն են, և ընկերության համար կարևոր է այդ փոխգործակցությունը դարձնել հնարավորինս պարզ, հարմարավետ և որակյալ։ Նա նշել է, որ նորոգված Էրեբունու կենտրոնում ստեղծվել է միջավայր, որտեղ հաճախորդները մեկ վայրում կարող են ստանալ անհրաժեշտ խորհրդատվությունն ու օգտվել Ucom-ի ամբողջական ծառայություններից։
Վերաբացման առիթով հոկտեմբերի 1-ից 31-ը ներառյալ այն բաժանորդները, որոնք Էրեբունի 20/52 սպասարկման կենտրոնում կմիանան ցանկացած Unity սակագնային փաթեթի՝ 12-ամսյա պարտավորությամբ, կկարողանան 1 ամիս օգտվել այդ փաթեթից անվճար։ Ընկերությունը նշում է, որ Unity փաթեթը մեկ առաջարկում միավորում է ֆիքսված ինտերնետը, բջջային կապը և հեռուստատեսությունը՝ ավելի մատչելի գնով։
Բացի այդ, հոկտեմբերի 1-ից 7-ը ցանկացած սմարթֆոն գնող յուրաքանչյուր հաճախորդ կստանա Canyon անլար ականջակալներ։ Նորոգված Էրեբունու կենտրոնը Ucom-ի 73 վաճառքի և սպասարկման կենտրոններից մեկն է, և ընկերությունը շարունակում է արդիականացնել իր ցանցը՝ ապահովելու հարմար միջավայր, հասանելի ծառայություններ և բարձրորակ սպասարկում։
Աղբյուր՝ en.b24.am
