Թրամփը Վենեսուելայի նավթային գործարքը անվանել է ԱՄՆ պատմության մեջ հնարավոր ամենախոշորը

ԱՄՆ նախագահ Դոնալդ Թրամփը հայտարարել է, որ Վենեսուելայի հետ ձեռք բերված նավթային պայմանավորվածությունը կարող է դառնալ ԱՄՆ պատմության մեջ ամենախոշորներից մեկը։ Հանրապետականների համագումարում ունեցած ելույթում նա ասել է, որ գործարքի շրջանակում արդյունահանվող պաշարները, իր գնահատմամբ, կբավարարեն պահանջարկը 500 տարվա համար։

Թրամփի խոսքով՝ խոսքը վերաբերում է 65 միլիարդ բարել նավթին։ «65 միլիարդ բարելը մերն է։ Գիտե՞ք՝ դա ինչ է նշանակում։ Կյանքի համար 500 տարի», — նրա խոսքերն են մեջբերվում հրապարակման մեջ։

Ավելի վաղ Վաշինգտոնն ու Կարակասը հայտարարել էին պատմական համաձայնագրի մասին, որը նախատեսում է ներդրումների ներհոսք և Վենեսուելայում նավթի արդյունահանման աճ։ Այդ պայմանավորվածությունը, ըստ հաղորդման, պետք է խթանի երկրի նավթարդյունահանող հատվածի ակտիվացումը։

Վենեսուելայի նախագահի լիազոր ներկայացուցիչ Դելսի Ռոդրիգեսը նշել է, որ մասնավոր օպերատորների ներգրավմամբ ձևավորված դաշինքը թույլ կտա էապես մեծացնել նավթի արդյունահանման ծավալները։

Գործարքի շրջանակում նախատեսվում է յուրացնել 17 ռազմավարական հանքավայր։ Դրանց ապացուցված ներուժը գնահատվում է 65 միլիարդ բարել նավթ։ Ներդրումների ընդհանուր ծավալը, ըստ հրապարակված տվյալների, կգերազանցի 100 միլիարդ դոլարը, իսկ Վենեսուելայի բյուջե հարկային մուտքերը կանցնեն 200 միլիարդ դոլարից։

Աղբյուր՝ b24.am