Տնտեսագիտության դոկտոր, պրոֆեսոր Թաթուլ Մանասերյանը Aravot.am-ի հետ զրույցում խոսել է հայ-ռուսական տնտեսական հարաբերություններում առկա խնդիրների մասին, որոնք հանգեցրել են հայկական արտահանման խիստ սահմանափակումների:
Մանասերյանը նշել է, որ Ռուսաստանը հուլիսի 10-ից 12 ամսով կասեցրել է հայկական երկու սերտիֆիկացման մարմինների փաստաթղթերի գործողությունը, ինչի հետևանքով «ԱՐՄՏԵՍՏ» և «ԱՐՄ-ՏԵՍՏ» ՍՊԸ-ի կողմից սերտիֆիկացված ապրանքատեսակների արտահանումը կասեցվելու է:
«Մենք, իբրև պետություն, պետք է հասկանալ, որ բարեկամ երկրների հետ հարաբերությունները պահպանելը կարևոր է մեր երկրի առաջընթացի համար»,- ասել է նա:
Մանասերյանը նաև ընդգծել է, որ Արևմուտքի հետ հարաբերություններում «հաճոյանալու» կեցվածքը կարող է վտանգավոր լինել, և նշել է, որ Թուրքիան, լինելով ՆԱՏՕ-ի անդամ, կարողացել է զգալիորեն ավելացնել իր առևտուրը Ռուսաստանի հետ:
Աղբյուր՝ www.aravot.am
