CNBC-ի հաղորդավար Ջիմ Քրամերը կարծում է, որ ուրբաթ նավթի գների նվազումը նպաստել է ամերիկյան ֆոնդային շուկայի վերականգնմանը, սակայն արդեն հաջորդ շաբաթ տրամադրությունները կարող են փոխվել՝ Federal Reserve-ի նիստից կախված։ Նրա խոսքով՝ օրվա հիմնական թեթևացումն ապահովել է հենց նավթի էժանացումը։
Ուրբաթ առևտրի ընթացքում հիմնական ինդեքսները բարձրացան՝ վերականգնելով նախորդ չորս անկումային նստաշրջանների կորուստների մի մասը։ Dow Jones Industrial Average-ը ավելացավ 509 կետով կամ 0.98%-ով, S&P 500-ը՝ 0.86%-ով, իսկ Nasdaq Composite-ը՝ 0.96%-ով։ Վերականգնման մեջ կարևոր դեր են ունեցել նաև տեխնոլոգիական բաժնետոմսերը՝ Adobe և Oracle ընկերությունների հրապարակած դրական նորացումներից հետո։
Քրամերի գնահատմամբ՝ այդ հաղորդագրությունները նոր հետաքրքրություն են առաջացրել ճնշման տակ հայտնված enterprise software և data center հատվածների նկատմամբ։ Նա որպես հավանական շահառուներ նշել է Dell, Vertiv, Cisco, Marvell, GE Vernova և Hewlett Packard Enterprise ընկերությունները։
Քանի որ հաջորդ շաբաթ խոշոր հաշվետվությունների հոսքը սահմանափակ է, շուկայի ուղղությունը, ըստ Քրամերի, մեծապես որոշվելու է նավթի գներով և տոկոսադրույքներով։ Առաջին առանցքային գործոնը Իրանում ընթացող պատերազմն է։ Նրա խոսքով՝ եթե խաղաղության ուղղությամբ առաջընթաց գրանցվի, նավթը կարող է կտրուկ էժանանալ, ինչն էլ կթուլացնի գնաճային ճնշումն ու տոկոսադրույքների աճի ռիսկը։ Սակայն ռազմական գործողությունների նոր սրացումը կարող է արագորեն փոխել պատկերը։
Քրամերը զգուշացրել է, որ եթե Իրանը որոշի անօդաչու սարքերի խմբերով հարվածել carrier group-ի, նավթի գները կտրուկ կաճեն, տոկոսադրույքները կբարձրանան, իսկ բաժնետոմսերի շուկան կհայտնվի ուժեղ ճնշման տակ։
Ներդրողների ուշադրության մեկ այլ թեմա կլինի Salesforce-ի ամենամյա Dreamforce համաժողովը, որը մեկնարկում է երկուշաբթի Սան Ֆրանցիսկոյում։ Քրամերը հայտարարել է, որ չորեքշաբթի կհարցազրույցի Salesforce-ի գլխավոր տնօրեն Marc Benioff-ին և շաբաթվա ընթացքում կզրուցի նաև այլ ղեկավարների հետ։
Շաբաթվա գլխավոր պլանավորված իրադարձությունը կլինի չորեքշաբթի կայանալիք Federal Reserve-ի Open Market Committee-ի նիստը։ Քրամերի խոսքով՝ շուկան հիմնականում սպասում է, որ կարգավորիչը կբարձրացնի տոկոսադրույքները՝ դիմակայելու համառ գնաճին։ Նա հատկապես կհետևի, թե ինչպես կարձագանքեն ավելի երկարաժամկետ ԱՄՆ գանձապետական պարտատոմսերի եկամտաբերությունները։
Նրա կարծիքով՝ 30-year Treasury-ի եկամտաբերությունը տոկոսադրույքի բարձրացումից հետո նույնիսկ կարող է նվազել, եթե պարտատոմսերի ներդրողները Fed Chairman Kevin Warsh-ի որոշումը դիտարկեն որպես գնաճի նկատմամբ ավելի խիստ կարգապահության նշան։ Միևնույն ժամանակ Քրամերը նշել է, որ նոր բարձրացումը ներդրումային առանց այդ էլ բարդ միջավայրը կդարձնի ավելի դժվար, և ներդրողներին խորհուրդ է տվել զգուշորեն ընտրել դիրքերը ու խուսափել margin-ի կիրառումից։
Ավելի բարձր տոկոսադրույքների ազդեցությունը տեսանելի կլինի նաև Lennar-ի հաշվետվությունից հետո, որը կհրապարակվի չորեքշաբթի առևտրի ավարտից հետո։ Քրամերի խոսքով՝ հիփոթեքային բարձր տոկոսադրույքները շարունակում են ճնշել բնակարանային պահանջարկը, քանի որ արդեն ցածր հիփոթեքային տոկոսադրույք ունեցող տանտերերը չեն շտապում տեղափոխվել։
Հինգշաբթի վերլուծաբանների հետ հանդիպումներ են նախատեսել նաև Brinker International-ը և TurboTax-ի մայր ընկերություն Intuit-ը։ Քրամերը պահպանել է դրական գնահատականը Brinker International-ի նկատմամբ՝ նշելով, որ Chili's-ի մայր ընկերությունը շարունակաբար գերազանցում է իր սպասումները։ Նա նաև հակադարձել է այն մտահոգություններին, թե AI-ը կարող է վնասել Intuit-ի բիզնեսին՝ որպես հակափաստարկ մատնանշելով Salesforce և ServiceNow բաժնետոմսերի վերջին ամրապնդումը։
Աղբյուր՝ www.cnbc.com
