«Ուժեղ Հայաստան» խմբակցության ղեկավար Նարեկ Կարապետյանը հայտարարել է, որ շուտով կներկայացվի նոր լուծում, որը, նրա խոսքով, Հայաստանի յուրաքանչյուր քաղաքացու թույլ կտա տարեկան խնայել հարյուր հազարավոր դրամներ։
Կարապետյանը այս մասին գրել է՝ անդրադառնալով Եվրոպայի առողջապահության և դեղերի որակի տնօրինության՝ EDQM ղեկավար Պետրա Դյորի հետ ունեցած քննարկմանը։ Նրա փոխանցմամբ՝ զրույցը վերաբերում էր Հայաստանում դեղերի գների նվազեցման ծրագրին։
Նրա խոսքով՝ նախաձեռնության նպատակը Հայաստանում դեղերի գները Վրաստանի մակարդակին հասցնելն է։ Թե ինչ գործիքակազմով է դա արվելու, պաշտոնյան դեռ չի մանրամասնել։
Կարապետյանը նշել է, որ ծրագրի կոնկրետ լուծումները կներկայացվեն շատ շուտով։ Առայժմ այլ թվային կամ ժամկետային մանրամասներ չեն հրապարակվել։
Աղբյուր՝ tert.am
