Հայաստանի փոխվարչապետ Մհեր Գրիգորյանը ընդունել է Ֆրանսիական զարգացման գործակալության՝ AFD-ի, Եվրոպական հարևանության և ընդլայնման տարածաշրջանային տնօրեն Ռիմա Լը Կոգիկի գլխավորած պատվիրակությանը։
Քննարկման ընթացքում կողմերն անդրադարձել են ջրամբարների կառուցման, ջրային ռեսուրսների զարգացման և համագործակցության մի շարք այլ ուղղությունների ընթացիկ ծրագրերին։
Փոխվարչապետը նաև նշել է, որ Հայաստանի կառավարության և Ֆրանսիական զարգացման գործակալության միջև շարունակվում են քննարկումները առողջապահական ապահովագրության, էներգետիկայի և առևտրի դիվերսիֆիկացման թեմաներով։
Ավելի վաղ հաղորդվել էր, որ Հայաստանի կառավարությունը մտադիր է Ֆրանսիական զարգացման գործակալությունից ներգրավել 250 միլիոն եվրոյի վարկային գիծ։ Այդ միջոցները նախատեսվում է ուղղել 2026 թվականի պետական բյուջեի դեֆիցիտի ֆինանսավորմանը։
Աղբյուր՝ www.pan.am
