Հայաստանի վարչապետի աշխատակազմի ղեկավար Լիլիթ Մակունցը սեպտեմբերի 10-ին հանդիպել է Լեհաստանի արտաքին գործերի նախարարության պետական քարտուղար Մարչին Բոսացկիի հետ։ Այդ մասին հայտնել է կառավարության մամուլի ծառայությունը։
Ըստ հաղորդագրության՝ Մակունցը բարձր է գնահատել Լեհաստանի հետևողական աջակցությունը Հայաստանում ժողովրդավարական բարեփոխումներին, ինստիտուցիոնալ զարգացմանը, ինչպես նաև Հայաստան-ԵՄ հարաբերությունների ամրապնդմանը։
Զրուցակիցները քննարկել են Հայաստան-Լեհաստան երկկողմ հարաբերությունների զարգացումը, Հայաստանի և Եվրոպական միության միջև գործընկերության խորացումը, ինչպես նաև Հայաստանի եվրոպական օրակարգի առաջմղմանը վերաբերող հարցեր։
Մարչին Բոսացկին, իր հերթին, ընդգծել է, որ լեհական կողմը պատրաստ է շարունակել աջակցել Հայաստանում բարեփոխումների ծրագրին և խորացնել համագործակցությունը թե՛ երկկողմ, թե՛ ամերիկա-հայկական ձևաչափերում։
Կողմերը նաև կարևորել են համագործակցության և երկխոսության շարունակականությունը։
Աղբյուր՝ arminfo.info
