Կառավարությունը 94.6 մլն դրամ հավելյալ միջոց կհատկացնի վարչապետի աշխատակազմին

Հայաստանի կառավարությունը որոշել է վարչապետի աշխատակազմին հատկացնել հավելյալ 94.6 մլն դրամ՝ արտասահմանյան գործուղումների նպատակով։ Որոշումն ընդունվել է կառավարության այսօրվա նիստում։

Որոշման հիմնավորման համաձայն՝ գործուղումների համար նախատեսված ֆինանսական միջոցներն այլևս բավարար չեն։ Այդ պատճառով կառավարությունը վերաբաշխում է լրացուցիչ միջոցներ, որպեսզի ծածկվեն առաջիկա ծախսերը։

Փաստաթղթում նշվում է, որ 94.6 մլն դրամը կուղղվի գործուղումների ծախսերին՝ վարչապետի աշխատակազմի կողմից գնման գործընթացների արդյունքում խնայված միջոցների հաշվին։

Աղբյուր՝ www.azatutyun.am