ՀՀ-ՌԴ տնտեսական կապերը վերանայվում են, և քննարկվում են նաև հայկական գյուղատնտեսական արտադրանքի ԱՄՆ շուկա արտահանման հնարավորությունները: ԱՄՆ-ում ՀՀ դեսպան Նարեկ Մկրտչյանն հանդիպել է ԱՄՆ Գյուղատնտեսության քարտուղարության Արտաքին գյուղատնտեսական ծառայության ղեկավար Դանիել Ուիթլիի հետ:
Հանդիպման ընթացքում քննարկվել են Հայաստանի և Միացյալ Նահանգների միջև գյուղատնտեսության ոլորտում համագործակցության ընդլայնման հնարավորությունները: Դիտարկվել են շուկա մուտքի ընթացակարգերը, գործող կարգավորումները, ինչպես նաև արտահանման խթանման նախադրյալները:
Քննարկվել են նաև երկու երկրների ոլորտային մասնավոր ընկերությունների միջև գործարար կապերի հաստատման և փոխշահավետ համագործակցության զարգացման հեռանկարները:
Աղբյուր՝ www.1in.am
