Հայաստանում հայկական կոնյակի արտադրությունը 2026 թվականի հունվար-օգոստոս ամիսներին կազմել է 9,566.1 հազար լիտր՝ 100% սպիրտի հաշվարկով։ Տվյալները հրապարակել է ՀՀ վիճակագրական կոմիտեն։
2025 թվականի նույն ժամանակահատվածի 8,366.7 հազար լիտրի համեմատ արտադրության ծավալն աճել է 14.3%-ով։ Այսպիսով, տարվա առաջին ութ ամիսներին ոլորտը վերադարձել է աճի տեմպի։
Միևնույն ժամանակ, ամբողջ 2025 թվականին Հայաստանում արտադրվել էր 14,396.9 հազար լիտր կոնյակ՝ 100% սպիրտի հաշվարկով, ինչը 2024 թվականի համեմատ նվազել էր 27.4%-ով։ 2024 թվականին ցուցանիշը կազմել էր 19,818.5 հազար լիտր, ինչը 2023 թվականի արդյունքը գերազանցել էր 2.5%-ով։
Ավելի վաղ՝ 2023 թվականին, Հայաստանում արտադրվել էր 19,342.7 հազար լիտր կոնյակ, ինչը 2022 թվականի համեմատ պակաս էր 16.98%-ով։ Իսկ 2022 թվականին արտադրությունը կազմել էր 23,298.4 հազար լիտր, սակայն այդ տարվա համար նախորդ շրջանի հետ համեմատություն չի արվել, քանի որ փոխվել էր արտադրության ծավալների հաշվարկի միավորը։
Երկարաժամկետ տվյալները ցույց են տալիս, որ ոլորտում արտադրության ծավալները վերջին տարիներին զգալի տատանումներ են ունեցել։ 2021 թվականին Հայաստանում արտադրվել էր 46,696.3 հազար լիտր կոնյակ, 2020 թվականին՝ 39,191.0 հազար լիտր, իսկ 2019 թվականին՝ 43,505.7 հազար լիտր։
Աղբյուր՝ b24.am
