Հայաստանի Կենտրոնական բանկի հրապարակած տվյալներով՝ 2026 թվականի օգոստոսի դրությամբ ռեզիդենտների արտարժութային ավանդների և փոխառությունների հարաբերակցությունը փողի զանգվածին (D1) կազմել է 27.7%։ Սա 2025 թվականի համադրելի ցուցանիշից ցածր է 1.7 տոկոսային կետով։
Ռեզիդենտների արտարժութային ավանդների և փոխառությունների հարաբերակցությունը նրանց ընդհանուր ավանդներին և փոխառություններին (D2) ևս նվազել է՝ 2.4 տոկոսային կետով, մինչև 32%։
Ռեզիդենտ ֆիզիկական անձանց արտարժույթով ցպահանջ ավանդների և փոխառությունների կշիռը ընդհանուր ցպահանջ ավանդներում և փոխառություններում (D3) կազմել է 44.8%։ Աղբյուրի տվյալներով՝ այս ցուցանիշը 2025 թվականի մարտի համեմատ նվազել է 4.1 տոկոսային կետով։
Ֆիզիկական անձանց արտարժույթով ժամկետային ավանդների և փոխառությունների մասնաբաժինը ընդհանուր ժամկետային ավանդներում և փոխառություններում (D4) կազմել է 35.3%՝ 2025 թվականի համադրելի ժամանակահատվածի համեմատ նվազելով 6.3 տոկոսային կետով։ Միաժամանակ ռեզիդենտներին արտարժույթով տրամադրված վարկերի հարաբերակցությունը ընդհանուր վարկերին (D5) աճել է 0.3 տոկոսային կետով և հասել 31.7%-ի։
Աղբյուրը նշում է, որ Հայաստանի առևտրային բանկերն ու վարկային կազմակերպությունները շարունակում են զգալի միջոցներ ներգրավել արտերկրից։ Այդ պատճառով, արտարժութային ռիսկից խուսափելու նպատակով, նրանք ձգտում են այդ միջոցները տեղաբաշխել այն նույն արտարժույթով, որով ներգրավել են դրանք։
Աղբյուր՝ b24.am
