Հայաստանի և Բուլղարիայի ներկայացուցիչները քննարկել են բարձր տեխնոլոգիաների ոլորտում համագործակցության ընդլայնումը: Բուլղարիայում ՀՀ դեսպան Ծովինար Համբարձումյանը հանդիպել է Բուլղարիայի նորարարության և թվային փոխակերպման նախարար Իվան Վասիլևի հետ:
Հանդիպման ընթացքում անդրադարձ է կատարվել երկկողմ քաղաքական և տնտեսական համագործակցության խորացման, ռազմավարական գործընկերության մասին հռչակագրի իրականացման, Հայաստան–ԵՄ հարաբերությունների, տարածաշրջանային զարգացումների և «Խաղաղության խաչմերուկ» նախաձեռնության հարցերին:
Նախարար Վասիլևը բարձր է գնահատել Հայաստանի տեխնոլոգիական ներուժը և հետաքրքրություն հայտնել արհեստական բանականության, միկրոէլեկտրոնիկայի և ՏՏ ոլորտներում իրականացվող բարեփոխումների նկատմամբ:
Զրուցակիցները քննարկել են նաև հայ-բուլղարական միջկառավարական հանձնաժողովի հաջորդ նիստի նախապատրաստումը:
Աղբյուր՝ www.aravot.am
