Այսօր Գորիսում կայացել է Հայաստանի և Ադրբեջանի ներկայացուցիչների տեխնիկական հանդիպումը, որը նվիրված էր TRIPP նախագծի շրջանակում էլեկտրահաղորդման գծերի տեղակայման հարցերին։ Այդ մասին հայտնել է ՀՀ տարածքային կառավարման և ենթակառուցվածքների նախարարությունը։
Գերատեսչության հաղորդագրության համաձայն՝ հանդիպման ընթացքում կողմերը քննարկել են էլեկտրահաղորդման գծերի տեղակայմանն առնչվող տեխնիկական հարցերը։
Կողմերը նաև մտքեր են փոխանակել տվյալ ուղղությամբ իրենց համապատասխան տեսակետների շուրջ։
Նախարարությունը նշել է, որ առանձնահատուկ ուշադրություն է դարձվել համապատասխան կառույցների միջև համակարգման հարցերին։ Քննարկվել են նաև աշխատանքների առաջմղման համար անհրաժեշտ հետագա քայլերը։
Աղբյուր՝ mediamax.am
