Ազգային ժողովում «Հայաստան» խմբակցության ղեկավար Աննա Գրիգորյանը և խմբակցության քարտուղար Արթուր Խաչատրյանը հանդիպել են Ռուսաստանի Դաշնության արտակարգ և լիազոր դեսպան Սերգեյ Կոպիրկինին և դեսպանության խորհրդական Մարիա Կորոտինային։
Խմբակցության ներկայացուցիչները հանդիպման ընթացքում կարևորել են երկու երկրների խորհրդարանների միջև կապերի ամրապնդումը։ Նրանք նաև մտահոգություն են հայտնել հայ-ռուսական հարաբերությունների ներկա վիճակի և, իրենց գնահատմամբ, դրանց վատթարացման միտման կապակցությամբ։
Հայտարարության համաձայն՝ պատգամավորները շեշտել են, որ երկու երկրների միջև արտաքին առևտրի սահմանափակումների հետևանքները կրում են սովորական քաղաքացիները, գյուղատնտեսական և ֆերմերային տնտեսությունները, ինչպես նաև բիզնեսը։
Զրույցի ընթացքում կողմերը կարճ անդրադարձել են նաև ընդդիմադիր առաջնորդների ձերբակալություններին։
Նշվում է, որ Ռուսաստանի Դաշնության անասնաբուժական և բուսասանիտարական հսկողության դաշնային ծառայությունը՝ Rosselkhoznadzor-ը, մայիսից սահմանափակումներ է կիրառել Հայաստանից Ռուսաստան ներմուծվող ապրանքների նկատմամբ։
Աղբյուր՝ www.pan.am
