Սեպտեմբերի 10-ին Հայաստանի էկոնոմիկայի նախարար Գևորգ Պապոյանը հանդիպել է ամրանող պողպատ արտադրող ձեռնարկությունների ներկայացուցիչների հետ։ Հանդիպմանը մասնակցել է նաև նախարարի տեղակալ Տիգրան Գասպարյանը, հայտնել է նախարարության մամուլի ծառայությունը։
Քննարկման ընթացքում կողմերը անդրադարձել են ամրանող պողպատի արտադրության ծավալների և արտադրողականության ավելացման հնարավորություններին։ Օրակարգում եղել են նաև ոլորտում մրցակցային միջավայրի բարելավմանն ուղղված քայլերը։
Հանդիպմանը քննարկվել են մաքսատուրքերին վերաբերող հարցեր, ինչպես նաև տեղական արտադրության զարգացման և շուկայի արդյունավետության բարձրացման հետ կապված մի շարք թեմաներ։
Կողմերը նաև խոսել են ոլորտում առկա խնդիրների և դրանց լուծման հնարավոր ուղիների մասին։
Աղբյուր՝ finport.am
