BRICS-ի անդամ երկրների պետությունների և կառավարությունների ղեկավարները Դելիում կայացած կազմակերպության 18-րդ գագաթնաժողովում ընդունել են Դելիի հռչակագիրը։ Այդ մասին հայտարարել է Հնդկաստանի վարչապետ Նարենդրա Մոդին։
Մոդիի խոսքով՝ անդամ երկրներից ոչ մեկը առարկություն չի ներկայացրել, և 2026 թվականի Դելիի հռչակագիրը հաստատվել է միաձայն։
Հնդկաստանի վարչապետը նաև նշել է, որ հանդիպումը եղել է «բացառիկ բովանդակալից և կառուցողական»։ ТАСС-ի փոխանցմամբ՝ նա ընդգծել է, որ մոտեցումների տարբերությունների պայմաններում նույնպես ակնհայտ է եղել BRICS-ի շրջանակում համագործակցությանը մասնակիցների ընդհանուր նվիրվածությունը։
BRICS-ի անդամներն են Բրազիլիան, Ռուսաստանը, Հնդկաստանը, Չինաստանը, Հարավաֆրիկյան Հանրապետությունը, Եգիպտոսը, Եթովպիան, Իրանը, Սաուդյան Արաբիան, Արաբական Միացյալ Էմիրությունները և Ինդոնեզիան։
Աղբյուր՝ www.azatutyun.am
