Apple-ի բաժնետոմսերը վերջին առևտրային նստաշրջանի ընթացքում արագացրել են անկումը նոր iPhone-ի և ընկերության այլ մշակումների շնորհանդեսի ֆոնին, որը կայացել է Կալիֆոռնիա նահանգի Կուպերտինոյում։
Նստաշրջանի ընթացքում արժեթղթերը նվազել են 1.67%-ով՝ նախորդ օրվա փակման համեմատ, իսկ ամենացածր կետում մեկ բաժնետոմսի գինը հասել է 310.67 դոլարի։ Ավելի ուշ անկումը մեղմվել է մինչև 1.32%, և բաժնետոմսերը վաճառվել են 312.07 դոլարով։
Bloomberg-ի գնահատմամբ՝ միջոցառումը Apple-ի համար միայն նոր սարքերի ներկայացում չէր։ Այն նաև հնարավորություն էր աշխարհին ներկայացնելու ընկերության նոր գլխավոր գործադիր տնօրեն Ջոն Թերնուսին։ Նա պաշտոնը ստանձնել է սեպտեմբերի 1-ին՝ փոխարինելով Թիմ Քուկին, որը ներկայում դարձել է տնօրենների խորհրդի գործադիր նախագահ։
Աղբյուրը հիշեցնում է, որ Թիմ Քուկի ղեկավարության տարիներին Apple-ի տարեկան եկամուտը հասել էր գրեթե 500 մլրդ դոլարի, իսկ ընկերության բաժնետոմսերի արժեքն աճել էր մոտ 2300%-ով։
Հուլիսին Apple-ը դարձավ երկրորդ ընկերությունը, որի շուկայական արժեքը գերազանցեց 5 տրլն դոլարը։ Առաջինն այդ շեմը հաղթահարել էր Nvidia-ն։
Աղբյուր՝ b24.am
