ԱՄՆ-ում դիզելային վառելիքի մեկ գալոնի՝ մոտ 3.7 լիտրի, միջին գինը առաջին անգամ գերազանցել է 6 դոլարը։ Այդ մասին հայտնում է Reuters-ը՝ նշելով, որ շուկայում վառելիքի թանկացման ճնշումը պահպանվում է։
Ավելի վաղ նավթի ֆյուչերսների գինը նույնպես բարձրացել էր մեկ բարելի դիմաց 100 դոլարից վեր՝ հասնելով մայիսից ի վեր ամենաբարձր մակարդակին։ Սա լրացուցիչ ազդակ է դարձել վառելիքի ներքին գների աճի համար։
Reuters-ի փոխանցմամբ՝ ԱՄՆ-ում դիզելային վառելիքի գները տարեկան կտրվածքով աճել են մոտ 60%-ով։ Սա կարևոր ցուցանիշ է տնտեսության համար, քանի որ դիզելը լայնորեն օգտագործվում է բեռնափոխադրումների, գյուղատնտեսության և արդյունաբերության մեջ։
GasBuddy ծառայության վերլուծաբանները գների աճը կապում են Մերձավոր Արևելքում և Ուկրաինայում շարունակվող հակամարտությունների հետ, որոնք շարունակում են ճնշում գործադրել համաշխարհային էներգակիրների շուկայի վրա։
Աղբյուր՝ b24.am
