ԵՐԵՎԱՆ, 21 հուլիսի. /ԱՌԿԱ/. Ակբա բանկը, նպատակ ունենալով աջակցել տեղական արտադրողների զարգացմանը, հայկական արտադրանքի արտահանմանը տարբեր երկրներ և բարձրացնել հայկական բիզնեսի մրցունակությունը, մինչև սեպտեմբերի 30-ը առաջարկում է Հայաստանում գործող լավագույն արտահանման ֆակտորինգի պայմանները.
Ֆակտորինգի տարեկան տոկոսադրույքը կազմում է. եվրոյի համար՝ 4.9%; ԱՄՆ դոլարի համար՝ 6.9%:
Ֆինանսավորման համար հանձնաժողովը կազմում է 0.3% հաշվի-ֆակտուրայի գումարից, սակայն ոչ պակաս, քան 5000 դրամ:
Առաջարկից կարող են օգտվել Հայաստանում գործող կազմակերպությունները, որոնք զբաղվում են ապրանքների կամ ծառայությունների արտահանմամբ:
Ակբա բանկի տրամադրած արտահանման ֆակտորինգի շնորհիվ տեղական արտադրողները և ծառայություններ մատուցող ընկերությունները կարող են արտահանել իրենց արտադրանքը և ծառայությունները Եվրոպական միություն, ԱՄԷ, ԱՄՆ, Չինաստան և բազմաթիվ այլ երկրներ:
Այս առաջարկով Ակբա բանկը ստեղծում է հայկական ընկերությունների համար մրցունակությունը բարձրացնելու և արտահանման աշխարհագրությունը ընդլայնելու հնարավորություն:
Բանկը վերահսկվում է Հայաստանի Հանրապետության Կենտրոնական բանկի կողմից:
Աղբյուր՝ armbanks.am
