ՅԵՐԵՎԱՆ, 15 սեպտեմբերի. Յունիբանկը ընդլայնել է քոլ-կենտրոնի աշխատանքային գրաֆիկը՝ հաճախորդների համար բանկային աջակցությունն ավելի հասանելի դարձնելով, հայտնում է բանկի մամուլի ծառայությունը։
Նոր գրաֆիկով՝ երկուշաբթիից ուրբաթ քոլ-կենտրոնն աշխատում է շուրջօրյա, իսկ շաբաթ և կիրակի՝ 10:00-ից մինչև 22:00։ Բանկում նշում են, որ սա հաճախորդներին հնարավորություն կտա խորհրդատվություն և աջակցություն ստանալ իրենց համար հարմար ժամին։
Բանկի գնահատմամբ՝ գրաֆիկի ընդլայնումը ևս մեկ քայլ է սպասարկման հասանելիությունն ու որակը բարձրացնելու ուղղությամբ։ Յունիբանկը շարունակում է զարգացնել հեռավար սպասարկման ալիքները՝ հաշվի առնելով հաճախորդների կարիքներն ու դիմումների բնույթը։ Քանի որ այսօր բազմաթիվ բանկային ծառայություններ առցանց հասանելի են շուրջօրյա, բանկի համար կարևոր է նաև ապահովել արագ խորհրդատվություն և օպերատիվ աջակցություն։
Նոր ռեժիմը հատկապես հարմար կլինի Յունիբանկի այն հաճախորդների համար, որոնք գտնվում են Հայաստանի սահմաններից դուրս և ապրում են այլ ժամային գոտիներում․ աշխատանքային օրերին նրանք կարող են կապ հաստատել բանկի հետ օրվա ցանկացած ժամի՝ աշխարհի ցանկացած կետից։
Յունիբանկի քոլ-կենտրոնի հետ կարելի է կապվել +374 10 71 22 22 և +374 10 59 55 55 հեռախոսահամարներով։
Աղբյուր՝ arka.am
