Մհեր Գրիգորյանը քննարկել է ՀՀ-ԵՄ օրակարգը ԵՄ հատուկ ներկայացուցչի հետ

Փոխվարչապետ Մհեր Գրիգորյանը ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին։

Կառավարության հաղորդագրության համաձայն՝ հանդիպման ընթացքում զրուցակիցները քննարկել են ՀՀ-ԵՄ հարաբերությունների օրակարգային հարցերը։

Հանդիպմանը նաև մտքեր են փոխանակվել տարածաշրջանային զարգացումների շուրջ։ Այլ մանրամասներ պաշտոնական հաղորդագրությամբ չեն ներկայացվել։

Աղբյուր՝ www.gov.am