Մոնտե-Կառլոյում անցկացված երկօրյա ցուցահանդեսի ընթացքում միջազգային հանրությանը ներկայացվել են Հայաստանը և հայկական արտադրանքը՝ ոսկերչությունից ու ալմաստագործությունից մինչև բանկային ոլորտի նորարարական լուծումներ։
Ամենամյա «Հայաստանի օրերը Մոնակոյում» նախաձեռնությունը ձևավորվել է որպես երկարաժամկետ հարթակ, որի նպատակը Հայաստանի մշակութային, տնտեսական և ստեղծարար ներուժը միջազգային ասպարեզում ներկայացնելն է։
Միջոցառման ֆինանսաբանկային գործընկեր IDBank-ը, բանկի մամուլի ծառայության փոխանցմամբ, այցելուներին ներկայացրել է իր ժամանակակից բանկային գործիքակազմը, Premium Banking-ի հնարավորությունները և արտերկրում բնակվող հայրենակիցների համար նախատեսված բացառիկ ծառայությունները։
Ըստ IDBank-ի Premium Banking-ի տնօրեն Լիդա Սաֆարյանի՝ արդեն 9 տարի գործող այս ծառայության հիմքում անհատական մոտեցումն ու հաճախորդների հետ երկարաժամկետ համագործակցությունն են։
«Մենք ուրախ ենք տեսնել բանկի ծառայությունների և նորարարական լուծումների նկատմամբ այցելուների մեծ հետաքրքրությունը։ Այս միջոցառումը մեզ հնարավորություն տվեց հանդիպել մեր հաճախորդներին, շփվել նրանց հետ և ավելի լավ հասկանալ նրանց կարիքներն ու սպասելիքները։ IDBank-ի Premium Banking-ը համատեղում է անհատականացված մոտեցումն ու լայն հնարավորությունները՝ առաջարկելով բարձրակարգ ֆինանսական ծառայություններ, Անձնական մենեջերի մշտական աջակցություն, ինչպես նաև բազմաթիվ առավելություններ՝ բիզնեսից և առօրյա կյանքից մինչև ճանապարհորդություն և ժամանց»,- նշել է Լիդա Սաֆարյանը։
ԱՄՆ-ում ներկայացուցչություն բացելուց հետո IDBank-ը շարունակում է մնալ Հայաստանի և Սփյուռքի միջև կարևոր ֆինանսական կամուրջ։ Բանկում նշում են, որ ցուցահանդեսը ևս մեկ անգամ ցույց տվեց՝ հայկական բրենդներն ու ֆինանսական լուծումները պատրաստ են արժանապատվորեն ներկայանալ ամենահեղինակավոր միջազգային հարթակներում։
Բանկը կարգավորվում է ՀՀ ԿԲ-ի կողմից։
Աղբյուր՝ arka.am
