Սեպտեմբերի 15-ին տեղի ունեցած Հայաստանի Հանրապետության կենտրոնական բանկի խորհրդի նիստում որոշվել է բարձրացնել քաղաքականության տոկոսադրույքը՝ սահմանելով այն 6.75%։
ԿԲ-ի հրապարակած որոշման համաձայն՝ Հայաստանի Հանրապետության կենտրոնական բանկի կողմից տրամադրվող լոմբարդային ռեպոյի տոկոսադրույքը սահմանվել է 8.25%։
Միաժամանակ Հայաստանի Հանրապետության կենտրոնական բանկի կողմից բանկերից ներգրավվող միջոցների տոկոսադրույքը սահմանվել է 5.25%։
Այսպիսով, Կենտրոնական բանկը 0.25 տոկոսային կետով բարձրացրել է հիմնական տոկոսադրույքը և համապատասխանաբար թարմացրել է նաև իր մյուս գործիքների տոկոսադրույքները։
Աղբյուր՝ b24.am
