Հայաստանը մեծ ուշադրություն է դարձնում Թուրքմենստանի հետ էներգետիկ համագործակցության զարգացման հնարավորություններին և հետաքրքրված է գազի ոլորտում համագործակցության ընդլայնմամբ:
Այս մասին հայտարարել է Հայաստանի դեսպան Թուրքմենստանում Արսեն Ավագյանը:
«Հայաստանը հետևողականորեն իրականացնում է էներգետիկ անվտանգության բարձրացման և էներգիայի մատակարարման աղբյուրների բազմազանացման քաղաքականություն և մեծ ուշադրություն է դարձնում Թուրքմենստանի հետ համագործակցության զարգացման հնարավորություններին, հաշվի առնելով Թուրքմենստանի հնարավորությունները, որը, ունենալով աշխարհի ամենամեծ բնական գազի պաշարները, կարևոր դերակատար է միջազգային էներգետիկ շուկայում»,- ասել է նա:
Դիվանագետը նշել է, որ էներգետիկան ավանդաբար կարևոր տեղ է զբաղեցնում երկու երկրների համագործակցության օրակարգում:
«Մենք տեսնում ենք հեռանկարներ նաև այլ ուղղություններով, այդ թվում՝ փորձի փոխանակում, ժամանակակից էներգետիկ տեխնոլոգիաների զարգացում և փոխշահավետ նախագծերի իրականացում»,- ընդգծել է Ավագյանը:
Աղբյուր՝ finport.am
