Սինգապուրում տեղակայված Grab-ը հայտարարել է, որ ձեռք կբերի buy-now, pay-later հարթակ Atome Financial-ի 60% վերահսկիչ բաժնեմասը՝ $1.49 միլիարդ կանխիկ գումարով։ Ընկերությունը նախատեսում է առաջին գործարքի փակումից մոտ երկու տարի անց գնել նաև մնացած 40%-ը։
Grab-ի ֆինանսական տնօրեն Peter Oey-ը CNBC-ի Squawk Box Asia հաղորդմանը ասել է, որ երկփուլ կառուցվածքը մասամբ ընտրվել է կապիտալի բաշխման տեսանկյունից գործարքի ռիսկերը նվազեցնելու համար։ Նրա խոսքով՝ սպառողական վարկավորումը Grab-ի համար դառնում է «հաջորդ սահմանը», քանի որ ընկերությունը ընդլայնում է ֆինանսական ծառայությունների բիզնեսը։
Հայտարարությունից հետո Grab-ի բաժնետոմսերը Nasdaq-ում օրվա փակմանը նվազել են 3.64%-ով։ Միաժամանակ ընկերությունը բարձրացրել է 2028 թվականի իր կանխատեսումը և առանձին հայտնել, որ առաջիկա 12 ամիսների ընթացքում մտադիր է ավարտել բաժնետոմսերի հետգնման ծրագրի մնացած մոտ $900 միլիոնը։
Ընկերությունում նշում են, որ Atome-ի գնումը Grab-ի ֆինանսական ծառայությունների ուղղությունը պետք է դուրս բերի նոր մակարդակ՝ գործող առաջարկներից այն կողմ։ Peter Oey-ի խոսքով՝ գործարքը դրական ազդեցություն կունենա բիզնեսի ֆինանսական ցուցանիշների վրա և նպաստել է 2028 թվականի ուղեցույցի բարելավմանը։
Atome-ը համագործակցում է ճանապարհորդության, գեղեցկության և էլեկտրոնային առևտրի ոլորտների բրენდների հետ, ինչն, ըստ Oey-ի, Grab-ին հնարավորություն կտա մուտք գործել այն հատվածներ, որտեղ ներկայումս նրա ներկայությունն ավելի սահմանափակ է։ Սպասվում է, որ գործարքը կփակվի հաջորդ տարի, ուստի Atome-ի ներդրումն ավելի զգալի կլինի այդ տարվա երկրորդ հատվածում և 2028 թվականին։ Grab-ը կանխատեսում է, որ մինչև 2028 թվականը իր ֆինանսական ծառայությունների ստորաբաժանումը կստեղծի $500 միլիոն adjusted EBITDA։
Grab-ը մտադիր է պահպանել Atome-ի ղեկավար թիմը, իսկ երկու փուլերի միջև ընկած ժամանակահատվածը, ըստ ընկերության, հնարավորություն կտա աշխատել հնարավոր սիներգիաների վրա։
Peter Oey-ը նաև նշել է, որ Atome-ի գործարքից բացի Հարավարևելյան Ասիայում հեռանկարային ուղղություններից մեկը կարող է լինել micro-investing-ը։ Նա հավելել է, որ արդար վարկավորման հասանելիության թեմայով ընկերությունը ցանկանում է աշխատել նաև կարգավորողների հետ։
Աղբյուր՝ www.cnbc.com
