Եվրոպական միությունը քննարկում է Հայաստանի և Ադրբեջանի իշխանությունների հետ, թե ինչպես կարող է Բրյուսելը լավագույնս աջակցել Հարավային Կովկասի հաղորդակցական երթուղիների զարգացմանը: Այս մասին հայտարարել է ԵՄ հատուկ ներկայացուցիչ Մագդալենա Գրոնոն լրագրողների հետ հանդիպման ժամանակ Երևանում:
Գրոնոն նշել է, որ տարածաշրջանում կայուն խաղաղության կառուցման գործում առաջընթացը շատ նշանակալի է, և ԵՄ-ն ցանկանում է լինել ուժեղ գործընկեր Հայաստանի և Ադրբեջանի համար: Նա ընդգծել է, որ Բրյուսելը տարբեր ձևերով աջակցում է խաղաղ գործընթացին:
«Մենք քննարկում ենք, թե ինչպես կարող ենք լավագույնս աջակցել այդ երթուղիների զարգացմանը, որպեսզի բոլոր երկրները մասնակցեն, և բոլոր բնակավայրերի բնակիչները օգտվեն դրանից»,- նշել է Գրոնոն:
Աղբյուր՝ arminfo.info
