Չինաստանում աճել է նավթի և գազի արդյունահանումը

Չինաստանը 2026 թվականի հունվար-օգոստոսին ավելացրել է նավթի և բնական գազի արդյունահանումը՝ նախորդ տարվա նույն ժամանակահատվածի համեմատ։ Այդ մասին հայտնում է երկրի Պետական վիճակագրական բյուրոն։

Պաշտոնական տվյալներով՝ առաջին ութ ամիսներին երկրում արդյունահանվել է 146.39 մլն տոննա նավթ, ինչը 0.9%-ով ավելի է տարեկան կտրվածքով։ Միևնույն ժամանակ նավթի վերամշակման ծավալը կազմել է 456.12 մլն տոննա՝ նվազելով 6.6%-ով։

Միայն օգոստոսին նավթի արդյունահանումը հասել է 18.43 մլն տոննայի՝ 2025 թվականի օգոստոսի համեմատ աճելով 0.8%-ով։ Նույն ամսում նավթի վերամշակումը կրճատվել է 6.9%-ով և կազմել 59.07 մլն տոննա։

Բնական գազի արդյունահանումը 2026 թվականի առաջին ութ ամիսներին աճել է 1.1%-ով՝ հասնելով 175.7 մլրդ խորանարդ մետրի։ Օգոստոսին ցուցանիշը տարեկան կտրվածքով ավելացել է 0.8%-ով և կազմել 21.4 մլրդ խորանարդ մետր։

Միաժամանակ Չինաստանում նվազել է ածխի արդյունահանումը։ Հունվար-օգոստոսին այն կրճատվել է 3.3%-ով՝ մինչև 3.06 մլրդ տոննա, իսկ օգոստոսին անկումը կազմել է 7.7%՝ մինչև 360 մլն տոննա։

Համեմատության համար՝ 2025 թվականի արդյունքներով Չինաստանը նավթի արդյունահանումն ավելացրել էր 1.5%-ով՝ մինչև 216.05 մլն տոննա, իսկ բնական գազինը՝ 6.2%-ով՝ մինչև 261.9 մլրդ խորանարդ մետր։ Պետական վիճակագրական բյուրոյի ավելի վաղ հրապարակած տվյալներով՝ ածխի արդյունահանումը 2025 թվականին աճել էր 41.2%-ով և հասել 4.83 մլրդ տոննայի։

Աղբյուր՝ b24.am