Axon Enterprise (AXON)-ի բաժնետոմսերը չկարողացան վերականգնվել չորեքշաբթի վաղ առավոտյան՝ մեկ օր անց այն բանից, երբ ընկերությունը երեքշաբթի S&P 500-ի ամենամեծ անկում գրանցած թողարկողների թվում էր։ Շուկայի ճնշման հիմնական պատճառը ընկերության՝ 1 միլիարդ դոլարի 0% փոխարկելի պարտատոմսեր թողարկելու ծրագիրն էր։
Taser արտադրող ընկերությունը հայտնել է, որ ներգրավված միջոցները կուղղվեն գործառնական կարիքներին, ձեռքբերումներին, ներդրումներին, ինչպես նաև capped-call transaction-ի ծախսերին։ Ընկերության ներկայացմամբ՝ այս գործիքը հեջավորման մեխանիզմ է, որը նախատեսված է սահմանափակելու բաժնետոմսերի հնարավոր նոսրացումը։
Ներդրողների արձագանքը, սակայն, բացասական էր․ շուկան զգայուն է վերաբերվել այն հանգամանքին, որ փոխարկելի պարտատոմսերի տեղաբաշխումը կարող է ճնշում գործադրել բաժնետոմսի վրա, նույնիսկ եթե ընկերությունը փորձում է մեղմել նոսրացման ռիսկը հավելյալ կառուցվածքով։
Հրապարակված տվյալների համաձայն՝ Axon-ը նախատեսում է նոր ներգրավված կապիտալն օգտագործել իր ֆինանսական ռեսուրսները մեծացնելու և հետագա գործունեության համար լրացուցիչ պահուստ ձևավորելու նպատակով։
Աղբյուր՝ www.investors.com
