Acba Bank-ը Հայաստանի ֆոնդային բորսայում կկատարի Եվրոպական բանկի վերակառուցման և զարգացման (ԵԲՎԶ) դրամային պարտատոմսերի շուկա ստեղծողի գործառույթը՝ ապահովելով դրանց իրացվելիությունը երկրորդային շուկայում։ Այս մասին հայտնել է բանկի մամուլի ծառայությունը։
Հաղորդագրության համաձայն՝ պարտատոմսերը ցուցակվել են և ներառվել Հայաստանի ֆոնդային բորսայի պարտատոմսերի հիմնական ցուցակում՝ Abond-ում։
Թողարկման հիմնական պայմանները
- Ընդհանուր ծավալը՝ 5 000 000 000 դրամ
- Մեկ պարտատոմսի անվանական արժեքը՝ 10 000 000 դրամ
- Քանակը՝ 500 հատ
- Շրջանառության ժամկետը՝ 36 ամիս
- Կուպոնային եկամտաբերությունը՝ լողացող
Որպես շուկա ստեղծող՝ Acba Bank-ը բորսայում կապահովի այս պարտատոմսերի գնման և վաճառքի հայտերի կանոնավոր առկայությունը։ Բանկի գնահատմամբ՝ դա ներդրողների համար կօգնի ձևավորել բարձր իրացվելիություն և ավելի թափանցիկ գնագոյացում։
Բանկը վերահսկվում է Հայաստանի Հանրապետության կենտրոնական բանկի կողմից։
Աղբյուր՝ armbanks.am
