Հայաստանի նախագահ Վահագն Խաչատուրյանն ընդունել է Հայաստանում Ֆրանսիայի դեսպան Օլիվիե Դըկոտինյին, ով ավարտում է իր դիվանագիտական առաքելությունը: Նախագահը շնորհակալություն է հայտնել դեսպանին՝ պաշտոնավարման ընթացքում կատարած աշխատանքի և հայ-ֆրանսիական հարաբերությունների զարգացմանն ուղղված ջանքերի համար:
Խաչատուրյանը նշել է, որ «այստեղ և՛ Ձեր անձնական ներդրումը կա, և՛ դեսպանատան, և՛, իհարկե, ամենակարևորը՝ մեր երկու երկրների ղեկավարների մտերմիկ, ջերմ, անձնական հարաբերությունները»: Նա ընդգծել է, որ 2022 թվականին տեղի ունեցած իրադարձությունները հայաստանյան նորագույն պատմության սկիզբն են, և Ֆրանսիայի աջակցությունը կարևոր դեր է խաղացել:
Հանդիպման ընթացքում քննարկվել են նաև երկկողմ հարաբերությունների զարգացման հեռանկարները, համագործակցության նոր ուղղությունները և առկա ներուժի իրացման հնարավորությունները:
Աղբյուր՝ www.aravot.am
