Շվեդական Volvo Cars ավտոարտադրողը ծախսերի կրճատման ծրագրի շրջանակում կփակի Ստոկհոլմում գտնվող իր գրասենյակը: Այս մասին հայտնել է ընկերությունը:
«Volvo Cars-ը որոշել է Շվեդիայում իր մասնագիտական կարողություններն ու ռեսուրսները կենտրոնացնել ավելի քիչ վայրերում՝ Ստոկհոլմի գրասենյակի պարտականությունների մեծ մասը փոխանցելով ընկերության գլխավոր գրասենյակին՝ Գյոթեբորգում։ Արդյունքում Ստոկհոլմի գրասենյակը կփակվի 2027 թվականի մարտի 1-ին», – ասվում է ընկերության հաղորդագրության մեջ:
Նշվում է, որ գրասենյակում աշխատում է շուրջ 450 աշխատակից։ Ընկերության փոխանցմամբ՝ մայրաքաղաքում գտնվող գրասենյակի փակումը թույլ կտա բարձրացնել ծախսերի արդյունավետությունը:
Ավելի վաղ ընկերությունը ծախսերի կրճատման շրջանակում կրճատել էր շուրջ 3000 աշխատատեղ:
Ավտոաշխարհի նորությունները հրապարակվում են ՌԵԳՈ ԻՆՇՈՒՐԱՆՍ ապահովագրական ընկերության աջակցությամբ, որը ներկայացնում է ԿԱՍԿՈ ապահովագրություն։ Կասկոն կօգնի անսպասելի իրավիճակներում պահպանել կայուն ֆինանսական վիճակ։
Աղբյուր՝ b24.am
