Թուրքիայի Վան նահանգի Բաշքալե շրջանում, Իրան-Թուրքիա սահմանին գտնվող Գելինջիկի սահմանային անցակետը նախատեսվում է վերաբացել 2027 թվականին։ Այս մասին, ըստ հրապարակման, հայտնել է Ermenihaber-ը։
Անցակետը փակվել էր 1990-ին՝ անվտանգության նկատառումներով, և դրանից հետո չի գործել 36 տարի։ Այժմ վերաբացման աշխատանքներում առաջընթաց է գրանցվել։
Հրապարակման համաձայն՝ թուրքական կողմը կանխատեսում է, որ սահմանային դարպասի գործարկումը կխթանի Թուրքիայի և Իրանի միջև առևտրային ու զբոսաշրջային ակտիվությունը։
Գելինջիկի անցակետի վերաբացումը կարող է դառնալ սահմանային ենթակառուցվածքների ընդլայնման հերթական քայլը՝ երկու հարևան երկրների տնտեսական կապերի աշխուժացման համատեքստում։
Աղբյուր՝ www.aravot.am
