Պանամայի ջրանցքի ծանրաբեռնվածությունը գազատար նավերին ստիպում է կիրառել ոչ ստանդարտ փոխադրումների սխեմաներ՝ նավից նավ փոխաբեռնումից մինչև Հարավային Ամերիկայի շրջանցում, գրում է Bloomberg-ը:
Argus Media-ի տվյալներով՝ ջրանցքով անցնելու սպասման ժամանակը հասել է 19 օրվա՝ 2022 թվականից ի վեր առավելագույնին։ Որոշ օպերատորներ միլիոնավոր դոլարներ են վճարում՝ հերթից դուրս անցնելու համար:
Բալբոայի մոտ Energia Grandeur-ը բեռը փոխաբեռնում է Eneos Wisdom տանկերի վրա։ Թրեյդերների խոսքով՝ այս սխեման թույլ է տալիս նավերից մեկին «շաթլային» ռեժիմով պարբերաբար անցնել ջրանցքով և ապահովել LPG-ի մատակարարումները Ասիա։ Երկու նավերն էլ ֆրախտավորվել են TotalEnergies SE-ի կողմից:
Միաժամանակ Gas Scorpio սուպերտանկերը Պանամայի ջրանցքի խցանումների պատճառով ստիպված է եղել շրջանցել Հարավային Ամերիկան՝ ԱՄՆ-ում բեռ ստանալու համար։ Այս երթուղին փոխադրման ժամանակը երկարացնում է մոտ մեկ ամսով:
Խնդիրը սրվել է Իրանի հետ պատերազմի հետևանքով բեռնահոսքերի ավելացման և Էլ Նինյոյի պատճառով ջրանցքի սահմանափակումների խստացման ֆոնին:
Աղբյուր՝ b24.am
